Хирургиялық бөлімше 17 кереует келесі бағыттар бойынша медициналық көмек көрсетеді: жалпы хирургия, травматология және ортопедия, гинекология және оңалту.
Науқастар ұйқы безі аурулары, өт қабы мен өт жолдары аурулары, асқазан мен ұлтабар ойық жарасы, артериялық және төменгі аяқтың варикозды кеңеюі, буын ауруларына қарсы ем алады.
Бөлімшенің хирург дәрігері Данияр Мирғалиұлы Садықов заманауи емдеу әдістерін жетік меңгерген. Мұнда іш қуысына эндоскопиялық операциялардың кең спектрі жасалады. Мысалы, шап жарығына, жедел аппендицитке, өт қабының жедел және созылмалы қабынуына операция кезінде өт жолдарын тексеру, ішектің жабысқақ бітелуіне арналған операциялар.
Бөлімшеде төрт медбике жұмыс істейді. Хирургиялық бөлім 100% білікті медбикелермен қамтамасыз етілген.
Интенсивті терапия бөлімі
Интенсивті терапия бөлімі (ИТ) - өмірге қауіпті ауыр жағдайларда науқастарды емдеуге арналған мамандандырылған аурухана бөлімі. Реанимация бөліміне миокард инфарктісі және басқа да жүрек аурулары кезінде дамыған жедел жүрек - қантамыр жеткіліксіздігінің белгілері бар науқастар (сонымен қатар қант диабеті, бауыр және бүйрек аурулары және т.б. салдарынан коматоздық жағдайдағы науқастар) жатқызылады. Реанимация бөлімінде анестезиолог - реаниматологтар құрамына Қабиев А.С. және Дангаев А.Д. кіреді. Палата пациенттің жағдайын электронды (тұрақты) бақылауды интенсивті терапиямен және мұқият ойластырылған дәрілік заттарды қолданумен біріктіреді. Палатадағы жоғары технологиялық заманауи құрал - жабдықтар мен жоғары деңгейде ұйымдастырылуы мамандандырылған анестезиологиялық және реанимациялық көмекті, қарқынды терапияны толық қамтамасыз етуге мүмкіндік береді.
Палатада 6 функционалды кереует бар. 3 медбике - анестезиолог пациенттерге күтім жасайды.
